Një aksident ka ndodhur këtë të Mërkurë në Elbasan, ku është plagosur një fëmijë. Fëmija 4 vjeç është përplasur nga një automjet. I mituri është dërguar në spital.
“Rreth orës 16:00, në lagjen ‘5 Maji’, shtetasi A. S., 26 vjeç, banues në Elbasan, duke drejtuar automjetin tip ‘Volkswagen’, ka aksidentuar një shtetas të mitur 4 vjeç, i cili është transportuar në spital, për ndihmë mjekësore dhe aktualisht ndodhet jashtë rrezikut për jetën”, njoftoi policia.
Drejtuesi i automjetit është shoqëruar në Komisariat, për kryerjen e veprimeve procedurale, ndërsa grupi hetimor po punon për zbardhjen e rrethanave të aksidentit, shtuan të njëjtat burime.
