Diego Jota humbet Botërorin e Katarit. Frika ishte e madhe pas atij dëmtimi në ndeshjen ndaj Manchester Cityt dhe lajmi tashmë është konfirmuar zyrtarisht nga trajneri i Liverpool, Jurgen Klopp.
Trajneri i Portugalisë, Santos duhet të mendojë menjëherë për zëvendësuesin, për ta patur emrin gati për ta futur në listë për Botëror.
Diego Jota ka bërë 29 paraqitje për kombëtaren, duke shënuar 10 gola dhe i ka nisur titullar pesë ndeshjet e mëparshme për Portugalinë.
Kjo përfaqësuese është një nga pretendentet e mëdha për t’i shkuar deri në fund kompeticionit më të madh për shtete, që nis pak pak javësh.
