Sekretari i Përgjithshëm i PD-së, Flamur Noka ka reaguar pas mbledhjes ku janë përcaktuar modalitetet për procesin e primareve.
Reagimi i Flamur Nokës:
Ndryshimi nis nga vetja
Në mbledhjen e sotme të kryesisë së PD vendosëm:
1. Miratimin e udhëzuesit që ka të bëjë me modalitetet e pjesëmarrjes së simpatizantëve në primaret për zgjedhjet e pushtetit vendor 2023.
2. Zgjedhjen e komisionit të organizmit dhe kontrollit të operacioneve elektorale.
3. Hapjen e garës së primareve për pushtetin vendor në të gjitha degët e PD.
Këto janë hapa përpara për PD, për konkurrencën e brendshme dhe standardin e garës.
PD është e para parti politike që ofron modelin e demokratizimit të brendshëm, për të cilin ka nevojë politika shqiptare dhe qeverisja e vendit.
Shqiptarët duan ndryshim dhe PD po e nis ndryshimin nga vetja. Primare më 4 dhjetor.
