Presidenti i Republikës Bajram Begaj dekretoi sot dy ambasadorë shqiptarë, përkatësisht në Katar dhe në NATO.
Në Katar u emërua ambasadore e vendit tonë Jeta Kreka. Ndërsa, ambasador i Shqipërisë në NATO është emëruar Bardhyl Kollçaku.
“Presidenti i Republikës Bajram Begaj, me Dekret nr. 138, datë 12.3.2026, dekretoi sot emërimin e znj. Jeta Kreka në detyrën e Ambasadorit të Jashtëzakonshëm dhe Fuqiplotë të Republikës se Shqipërisë në Shtetin e Katarit, rezident.
Presidenti i Republikës Bajram Begaj, me Dekret nr. 139, datë 12.3.2026, dekretoi sot emërimin e Bardhyl Kollçaku në detyrën e Ambasadorit të Jashtëzakonshëm dhe Fuqiplotë të Republikës se Shqipërisë në NATO, rezident.”- thuhet në njoftimin për mediat.
