Igli Tare ka lëshuar një deklaratë e cila padyshim do të shkaktojë shumë polemika në Itali. Sipas asaj që raportojnë mediat italiane, duke folur në universitetin “Luiss” në Romë, ai ka lëshuar një slm të fortë ndaj klubeve të mëdha të cilat drejtohen me sistemin e një shoqërie biznesi, duke humbur traditën e tyre.
“Kanë mbetur vetëm 4 klube në pronësi familjare që janë Udineze, Atalanata, Lacio dhe Napoli. Unë jam më tepër për këtë lloj menaxhimi, multinacionalet kanë vetëm interes komercial dhe humbet e bukura e futbollit, pasioni, dashuria.
Ato fonde drejtojnë vetëm me algoritme dhe nuk duan t’ia dinë më për historinë e skuadrës dhe të qytetit. Unë jam një fans i shkollës së vjetër.
Çfarë mungon? Drejtues që janë pjesë e klubit, për faktin se kohëzgjatja e kontratave ndryshon shumë. Më shihni mua për shembull, jam një prej drejtuesve më të vjetër në aktivitet në Serinë A, ky është viti im i 15 te Lacio. Kam fatin të punoj me një klub me një drejtim virtuoz.
Sot ka klube, edhe të rangut të parë si Juve, Roma, Milan e Inter që teknikisht kanë falimentuar, por mbahen në jetë nga fakti se sistemi ka nevojë për ta.
Është shumë e rëndësishme që të kesh klube me një administrim afatgjatë me projekte të rëndësishme për të parë të mirën e shoqërisë’, theksoi Tare në fjalët e tij që janë shpërndarë gjerësisht në mediat italiane.
