Sulmuesi i PSG-së Nejmar është paraqitur në gjyqin kundër tij në Barcelonë pasi akuzohet për mashtrim dhe korrupsion lidhur me transferimin e tij te Barça në vitin 2013 nga Santosi. Të pranishëm kanë qenë prindërit e tij, ish-presidentët e klubit Sandro Rosell dhe Josep Maria Bartomeu.
Nejmar i kërkoi gjyqtarit që të deklaronte sot dhe jo të premten siç ishte planifikuar pasi i duhet të kthehet në Paris. Gjyqtari nuk e ka marrë parasysh kërkesën e futbollistit dhe atij do ti duhet të deklarojë nesër.
Vendimi i tij ka ardhur si pasojë e ndeshjes së mbrëmshme të PSG-së ku Nejmari i dhuroi fitoren ekipit dhe gjyqtari është shprehur se duhet të pushojë të flejë.
“Ndërsa unë isha në shtrat, ai po shënonte një gol për ekipin e tij”, tha gjyqtari përpara largimit të Neymar.
“DIS” kërkon që sulmuesi i PSG-së të dënohet me pesë vjet burgim, si dhe kompensim prej 149 milionë eurosh dhe burg për dy ish-numrat një të katalanasve. Nga ana tjetër prokurorët spanjollë thuhet se do të kërkonin dy vjet burg dhe 10 milionë euro gjobë për lojtarin.
