Një ngjarje e rëndë ka ndodhur mesditën e sotme në qytetin bregdetar të Durrësit.
Sipas njoftimit të policisë, bëhet me dije se një grua e moshës 60-vjeçare dyshohet se është mbytur teksa ishte duke u larë në det.
“Rreth orës 11:30, në lagjen nr.13 Durrës, dyshohet se është mbytur duke u larë në det, shtetasja Sh. S., 60 vjeçe, banuese në Tiranë”, thuhet në njoftimin e shkurtër të policisë.
Grupi hetimor ndodhet në vendngjarje dhe po punon për sqarimin e rrethanave të ngjarjes.
