Sekretari i Përgjithshëm i Partisë së Lirisë, Tedi Blushi i është përgjigjur deklaratës së Edi Ramës i cili ditën e sotme fajësoi presidentin rus Vladimir Putin për rritjen e çmimeve.
Sipas Blushit, Shqipëria po paguan kostot e korrupsionit 10-vjeçar të qeverisjes së Edi Ramës i cili sipas tij ka kapur për fyti drejtësinë dhe institucioneve të pavarura, duke ndërtuar në vendin tonë një model putinian të shtetit dhe ekonomisë.
Postimi i plotë i Blushit:
“Kreu i regjimit putinian të Shqipërisë gjeti Putinin fajtor për hajdutëritë e tij mizore.
Shqipëria po paguan kostot e korrupsionit 10-vjeçar të Kryeministrit Kryehajdut që kërkon t’ia verë “fajin” Putinit për hajdutëritë e tij të njohura botërisht në të gjitha raportet ndërkombëtare.
Pasi shkatërroi shtetin ligjor përmes kapjes për fyti të drejtësisë dhe të gjithë institucioneve të pavarura, pasi ndërtoi pikërisht modelin putinian të shtetit dhe ekonomisë, “kujtohet” sot që për vjedhjet e inceneratorëve, PPP dhe afera të tjera korruptive t’ia lerë përgjegjësitë Putinit dhe nesër Perëndisë po nuk ra aq shi sa i duhet.
Kryehajdutit që ta shesë shumë më lirë se në tregjet ndërkombëtare dhe ta blejë prapë shumë më shtrenjtë se në tregjet ndërkombëtare.
Pra të vjedhë edhe në shitje edhe në blerje përveçse në investimet e humbura të OSHEE.
Edi, që ti nuk lodhesh së mashtruari kjo dihet se kështu e ke nisur dhe kështu do e mbyllësh. Por si nuk u lodhe duke vjedhur prej 10 vitesh?”
