Policia e Qarkut Kukës ka vënë në pranga 2 persona pasi drejtonin mjetin në gjendje të dehur.
Gjithashtu janë pezulluar 3 leje drejtimi, pasi drejtuesit u kapën nga shërbimet e Policisë, duke drejtuar automjetet përkatëse, nën efektin e alkoolit.
“Gjatë 24 orëve, janë arrestuar në flagrancë 2 drejtues mjetesh për veprën penale “Drejtimi i mjeteve në mënyrë të parregullt”, konkretisht shtetasit:
-R. M., 57 vjeç, banues në fshatin Topojan, pasi në aksin rrugor “Kukës-Shishtavec”, u kap duke drejtuar automjetin, në gjendje të dehur.
– M. Sh., 58 vjeç, banues në fshatin Nangë, pasi në aksin rrugor “Kukës-Bicaj”, u kap duke drejtuar automjetin, në gjendje të dehur.
Gjithashtu, gjatë 24 orëve, janë pezulluar 3 leje drejtimi, pasi drejtuesit u kapën nga shërbimet e Policisë, duke drejtuar automjetet përkatëse, nën efektin e alkoolit.”– njoftoi policia.
