Një 34-vjeçar me iniciale B.H., pronar i një subjekti tregtar në Rrugën e Durrësit në Tiranë, është vënë në prangat e policisë pasi akuzohet për tregtim të mallrave të dyshuara të kontrabanduara.
Arrestimi i tij u bë falë operacionit policor të koduar “Phones 3”.
“U bë arrestimi i 34 vjeçarit me inicialet B. H., banues në Tiranë. Gjatë kontrollit të ushtruar në dyqanin në pronësi të këtij shtetasi, në Rrugën e Durrësit, shërbimet e Policisë gjetën dhe sekuestruan, në cilësinë e provës materiale, 21 aparate celulare të llojeve të ndryshme, të dyshuara të kontrabanduara”, njofton policia.
Materialet i kaluan Prokurorisë, për veprime të mëtejshme procedurale.
