Gazetari Armand Shkullaku komentoi në emisionin ‘Çim Peka Live’ në Syri Tv fjalimin e Ramës në Këshillin e Europës. Shkullaku tha se raporti i Dick Martyt s’është ai siç thotë Rama që ka detyruar asamblenë e KiE për të miratuar një raport.
Shkullaku deklaroi se Ramës i ka rënë popullariteti ndërsa shtoi se tentativat e tij për të qenë lider rajonal kanë dështuar. Sipas gazetarit, për nismën Ballkani i Hapur, Ramës i ka mbetur sharra në gozhdë.
“E shoh më tepër si një gjë të zhvendosur në kohë. Siç e ka quajtur dhe Rama vetë, rrufe në qiell të pastër që ka filluar të aktivizohet kjo retorikë e Ramës pas vajtjes në Hagë të Thaçit. Raporti i Dick Martyt s’është ai siç thotë Rama që ka detyruar asamblenë e KiE për të miratuar një raport. Nuk është kjo. Ata miratuan një rezolutë. Task forcë e BE që mori në analizë të gjitha të dhënat dhe vendosi ngritjen e Gjykatës Speciale. Kemi rënia të frikshme të popullaritetit të Ramës. Pse ndryshoi? Dy tentativat e tij të dështuara për të qenë lider rajonal dhe e dyta Ballkani i Hapur që i ka ngelur sharra në gozhdë. Edhe fitorja e Albin Kurtit në Kosovë. Fitorja e tij Ramës i mbylli një portë shumë të rëndësishme. Ardhja e Kurtit, përmbysja e konjukturave ndërkombëtare e bëri Kurtin aktor të dorës së parë. Negocion vetë se s’ka presion nga asnjë faktor”, tha Shkullaku.
