Një 31-vjeçar është arrestuar këtë të Martë nga policia e Beratit.
Blutë bëjnë me dije se ky shtetas ka vjedhur disa vegla pune dhe kabllo elektrike, në lagjen “Kala”.
“Në vijim të punës për kapjen e personave të shpallur në kërkim dhe vënien e tyre përpara përgjegjësisë ligjore, nisur dhe nga informacionet e marra në rrugë operative për vendndodhjen e një shtetasi të shpallur në kërkim, nga specialistët e Seksionit për Krimet në Komisariatin e Policisë Berat u kap dhe u ndalua shtetasi në kërkim A. Gj., 31 vjeç, banues në lagjen “Kodra e Sulmit”, Berat. Ky shtetas, në datën 28.09.2022, ka vjedhur disa vegla pune, në banesën e shtetasit A. Gj., ndërsa në datën 03.10.2022, ka vjedhur kabllo elektrike, në lagjen “Kala””,bëjnë me dije blutë.
