Policia britanike në Cheshire është shokuar kur në një aksion për të zbuluar një fermë kanabisi ka përfunduar në vilën e braktisur me vlerë 3 milionë paund që rezulton në pronësi të ish-futbollistit Jermaine Pennant.
Shtëpia luksoze me pesë dhoma gjumi u ble nga Pennant në vitin 2006 kur ai u bashkua me Liverpool dhe ai jetoi atje për tre vjet përpara se të transferohej në skuadrën spanjolle Real Zaragoza.
Ai e mori me qira shtëpinë për gati 10 vjet pasi karriera e tijbëri që ish-futbollisti të lëvizte disa herë në klube të ndryshme në Angli, duke përfshirë edhe qëndrime në Indi dhe Singapor përpara se të tërhiqej përfundimisht në 2017.
Vila luksoze kishte mbetur bosh që nga viti 2020 pasi Pennant u nda nga partnerja e tij e atëhershme Alice Goodwin, me 39 vjeçarin që përsërit gabimin e vitit 2011, ku ai harroi plotësisht se kishte një Porsche pasi e la atë në stacionin e trenit të Zaragozas në Spanjë për pesë muaj me çelësat në sedilje.
Ndërkohë, një video e postuar në mediat sociale tregon dhjetëra thasë të zi, plot me kanabis, të shpërndara në të gjithë vilën.
Banda e kanabisit që dyshohet të ketë qenë shqiptare instaloi dhjetëra priza elektrike dhe kabllo zgjatuese për të fuqizuar llambat e fuqishme që shërbenin për rritjen e bimëve.
Rresht pas rreshti kova me bimë janë sistemuar në sallën e pritjes, kuzhinë dhe banjën e veshur me mermer bardh e zi të pronës.
“Uau, kjo është shtëpia e ish-futbollistit Jermaine Pennant dhe shiko malet e barërave të këqija kudo. Ka kaq shumë gjëra që kundërmojnë”, thotë një nga personat që ka postuar videon në YouTube.
Filmi kalon edhe në kuzhinën e pronës ku Jermaine kishte një rezervuar peshku të mbyllur në një mur dhe në banjën ku ka një TV të ngjitur mes tullave. Një fotografi e Pennant duke pirë nga një filxhan McDonald’s shihet gjithashtu në dysheme përpara se kamera të fokusohet në dy fuçi gjigante uji që përdoreshin për ujitjen e bimëve.
