Gazetari i njohur Neritan Sejamini i ka bërë thirrje opozitës që në zgjedhjet vendore 2023 të dalë me një kandidat apolitik, në qoftë se seriozisht e do ta fitojë bashkinë e Tiranës.
Sipas tij, një personazh i tillë që do të ishte e kundërta e kryebashkiakut aktual, Erjon Veliaj, do të transmetonte besim te qytetarët.
Duke folur me emra të përveçëm, Sejamini tha në “Të Paekspozuarit” se sheh te mjeku i njohur Ilir Alimehmeti, një kandidat potencial për figurën që ai dëshiron të shoh në garë me Veliajn.
“Gara për Tiranën është thelbësore për zgjedhjet e 2023. Është gara më e rëndësishme që ka PD. I vetmi kandidat që mund të fitojë kundër Veliajt, është një kandidat që është e kundërta, në aspektin e qytetarisë, sinqeritetit, urtësisë. Nuk mendoj se kandidati duhet të jetë politik. Duhet e kundërta totale e Erion Veliaj. Në këtë kuptimi, nuk e di çfarë lloj karizme ka Ilir Alimehmeti dhe kurajo, por mund të ishte kandidati ndryshe“, deklaroi Sejamini.
