Bajerni vazhdon formën e mirë që po kalon në Champions, ku pasi mundi Interin dhe Barcelonës, kampionët e Gjermanisë mposhtën dhe Plzenin në shtëpi me rezultatin 5-0.
Ky rezultat ka vendosur një rekord të ri për skuadrën bavareze, të cilët shkojnë në 31 ndeshje pa humbur në grupet e Ligës së Kampionëve.
Disfata e fundit e Bajernit daton në 27 shtator, të vitit 2017 kundër PSG-së në transfertë, ku në krye ishte Karlo Ançeloti. Kjo do të thotë që kampionët e Gjermanisë qëndrojnë 5 vite pa u mposhtur në fazën e grupeve.
Ky rekord deri më tani mbahej nga Reali i Madridit, i cili shkoi në 30 ndeshje pa humbur në grupe, nga viti 2012 deri në 2017.
