Bayern Munich e ka kthyer në një seancë stërvitore sfidën e Champions League përballë Viktoria Plzen.
Kampionët e Gjermanisë në fuqi, kanë shënuar edhe golin e pestë ndaj ekipit çek duke mbyllur të gjitha llogaritë e ndeshjes.
Sane ka zhbllokuar sfidën në Allianz Arena me një goditje të bukur në minutën e 7-të para se Gnabry të dyfishonte avantazhin e vendasve në të 13-ën, duke finalizuar në mënyrën e duhur një aksion të bukur.
Goli i tretë ka ardhur në minutën e 21-të dhe është shënuar nga Sadio Mane. Ish-ylli i Liverpool ka tundur rrjetën pas një aksioni të bukur personal.
Ndërkohë në fraksionin e dytë të lojës, bavarezët shënuan edhe 2 herë me anë të Sane dhe Eric Maxim Choupo-Moting përkatësisht në minutat 51’ dhe 59’.
