Kryetari i Partisë Demokratike, Sali Berisha, në një deklaratë për mediat tha se opozita nuk i emëron kandidatët siç i emëron Edi Rama, por do i zgjedhin qytetarët.
Kryedemokrati u shpreh se kandidatët e PD-së nuk i cakton as droga, as partia shtet dhe as krimi ndërsa përmendi primaret.
Pyetje: Po opozita nuk është pak vonë me zgjedhjen e kandidatit?
Berisha: Opozita nuk i emëron siç i emëron Edi Rama, por do ti zgjedhë nga qytetarët. Ne miratuam në një mbledhje dy ditë më parë procedurën e përzgjedhjes së kandidateve nëpërmjet primareve, qytetarëve. Shënuam një hap jashtëzakonisht të madh përpara, duke njohur të drejtën e simpatizantëve për të votuar për kandidatin që duan. Pra sjellim në këto zgjedhje një risi thelbësore në interesin më të mirë të qytetarëve dhe demokracisë.
Ne nuk ka i cakton as droga, as partia shtet, as krimi. Ne kandidatët na i caktojnë qytetarët. Ne po vazhdojmë konsultimet me aleatët, të përcaktojmë këto 2-3 ditë format e daljes. Ka mendime për të dalë me kandidatë të përbashkët dhe unë e mbështes këtë mendim. Por ne jemi të hapur me aleatët tanë të gjejmë format më të përshtatshme të një gare të suksesshme.
