Një grabitje është raportuar të ketë ndodhur ditën e sotme në fshatin Kosmaç të Shkodrës.
Ndërkaq Policia e Shkodrës ka sqaruar publikun se vjedhja, nuk ka qenë me armë.
Sipas njoftimit zyrtar, vjedhja është raportuar nga i zoti i banesës dhe autorët i ka parë në momentin e largimit nga vendngjarja por nuk kanë pasur armë me vete.
“Në fshatin Kosmaç nuk ka ndodhur vjedhje me armë, por më datë 25.09.2022 ka patur një vjedhje që është denoncuar nga vetë i zoti i banesës, i cili ka deklaruar se në momentin që ka ndodhur vjedhja, në banesë nuk ka qenë asnjë person. Gjithashtu, ai ka deklaruar se autorët e vjedhjes i ka parë në momentin që janë larguar nga banesa dhe nuk ka vënë re që të kenë patur armë me vete”, sqaron drejtoria vendore e Policisë Shkodër.
Grupin hetimor i ka kaluar materialet prokurorisë.
