“Gledis Nano ishte dikush që fliste anglisht. Edi Ramës i duhet dikush që mezi flet shqip”.
Kështu e shpjegoi analisti Armand Shkullaku shkarkimin e Gledis Nanos nga posti i drejtuesit të Policisë së Shtetit. Deklarata u bë në emisionin “Opinion” mbrëmjen e sotme, pas transmetimit të një interviste me ambasadoren amerikane në vendin tonë Yuri Kim.
Kjo e fundit tha në intervistë se nuk e priste shkarkimin e Nanos, të cilin e konsideroi një partner shumë të mirë.
-Do ju pyes për Gledis Nanon? Ju bëtë një koment pas largimit? A ishte ndërhyrje në punët e qeverisë?
“Ishte thjeshtë impakt. Ne e vlerësojmë zotin Nano dhe ne mendonim se ai ishte një partner shumë i mirë për ne. Nuk e prisnim largimin e zotit Nano”, u përgjigj Kim.
Ndërkohë, analisti tjetër në studio Baton Haxhiu tha se “të thuhet kështu publikisht është problem”. Ai shtoi se qëndrimi mund ti shprehej qeverisë dhe jo të thuhet publikisht.
