Nga Boldnews.al
Në listën prej 100 emrash të publikuar në profilin e tij në facebook, kryeministri Edi Rama nuk ishte tërësisht transparent. Në numrin rendor 50 të listës, ishte Drejtori i Policisë Bashkiake në Tiranë, ndërsa pas tij, në 51 ishte zv. Drejtori i Policisë Bashkiake në Tiranë. Por në të dy rastet, kryeministri Rama nuk ka përmendur emrat e tyre, pavarësisht se ka njohje personale me ta dhe e di shumë mirë se kush janë.
Ermal Kapllani (Drejtori i Policisë Bashkiake Tiranë) dhe Toni Beni (Zv. Drejtori i Policisë Bashkiake në Tiranë) janë dy personazhet që janë denoncuar nga qytetarët si të korruptuar dhe që nuk duhen të jenë pjesë administratës publike.
Të fakt, prej 2 vitesh, të dy këta zyrtarë, dikur ish punonjës policie, janë kthyer në tmerrin e tregtarëve ambulantë të kryeqytetit, ku në shumicën e rasteve janë goditur më të vobektit dhe në disa raste janë toleruar të pushtetshmit.
Kjo polici me në krye Kapllanin dhe zëdhënësin e tij Benin, u kanë hequr ushqimin familjeve të cilat tregtonin për të siguruar mbijetesën. Aksionet e tyre mbahen mend për sekuestrimin e karrocave të kokoshkave, apo arkave me perime.
Boldnews.al por edhe media të tjera kanë denoncuar me dhjetra skandale të Policisë Bashkiake të Tiranës, për të cilën Erion Veliaj shprehet se ka rilindur. Presioni, dhuna dhe gjobat i kanë detyruar qytetarët të shkruajnë me qindra komente në profilin e kryeministrit Rama, ndërsa ky i fundit, i vënë në vështirësi nuk ka mundur t’i heq këta dy zyrtarë nga “lista e zezë”.
