Sekretari Organizativ i Partisë Socialiste, Blendi Klosi shprehet se përveç militantëve, Erion Veliaj do të ketë mbështetjen e qytetarëve të Tiranës në zgjedhjet e ardhshme.
I ftuar në një studio televizive, Klosi tha se Veliaj do të rikandidojë në Tiranë për zgjedhjet e ardhshme lokale.
“Tirana është shembulli më i plotë i të gjithë këtyre që ne folëm, mënyrën se si kemi reaguar, si kemi qeverisur. Një bashkëpunim jashtëzakonisht i suksesshëm ndërmjet qeverisë qendrore dhe lokale dhe siç e ka thënë edhe kryeministri, nuk ka arsye që Erion Veliaj të mos rikandidojë për bashkinë e Tiranës dhe pa dyshim të gjithë sondazhet e nxjerrin fitues të thellë të kësaj bashkie. Do të ketë mbështetjen e gjithë PS-së, por natyrisht edhe të qytetarëve”, tha Klosi.
