Prokuroria e Tiranës kërkoi dënimin me 9 vjet heqje lirie për tre persona të arrestuar në 17 shkurt 2022, të cilën kishin falsifikuar 1 milion e 75 mijë euro.
Prokurori i çështjes i kërkoi gjykatës së kryeqytetit deklarimin fajtor dhe dënimin me 9 vjet burgim të 53-vjeçarit nga Kameruni Josoue Ngankam, Jeniffer Chollet nga Zvicra dhe kamerunasin tjetër, Zinedine Nkeh.
Të tre personat kanë hyrë me gjykim të shkurtuar në proces dhe pritet që në ditët në vijim, gjykata të shprehet për dënimin ose jo të tyre.
Këta persona u ndaluan në muajin Shkurt dhe gjatë hetimeve të kryera është provuar aktiviteti kriminal dhe të ndaluarit kanë pranuar akuzën e falsifikimit të 1 milion e 75 mijë euro, të cilat do i fusnin në Shqipëri.
Josoue Ngankam, me origjinë nga Kameruni ishte banues në Paris të Francës. Nisja e tij ishte Parisi, më pas drejt Turqisë dhe destinacion përfundimtar Shqipërinë.
Sipas prokurorisë, shtetësja zviceriania Chollet, jetonte prej disa vitesh në vendin tonë dhe emri i saj si bashkëpunëtore është shfaqur pas marrjes së deklarimeve të Ngankam.
