Dorian Shurdhi, 39 vjeç, u shpall sot në kërkim nga Policia e Lushnjes për vrasjen e mbetur në tentativë ndaj 44-vjeçarit Kujtim Meta më 20 Prill 2022.
Pesë muaj pas kësaj ngjarje, Shurdhi u identifikua nga policia si autor i dyshuar i ngjarjes në Lushnje dhe është shpallur në kërkim për vrasje me paramendim të mbetur në tentativë dhe armëmbajtje pa leje.
Klan News, ka mësuar nga burime konfidenciale se i dyshuari Dorian Shurdhi ka humbur jetën.
Sipas këtyre burimeve, 39-vjeçari Shurdhi ishte larguar drejt Belgjikës pasi kishte qëlluar me armë Kujtim Metën. Por 2 javë më parë, në ditët e para të muajit Shtator 2022, Dorian Shurdhi ishte rrahur nga persona të tjerë në Belgjikë dhe gjatë gjithë këtyre ditëve ka qenë në koma.
Mbrëmjen e së martës (27 Shtator 2022) Shurdhi ka ndërruar jetë.
