Pesë persona janë arrestuar nga Policia e Tiranës ditën e sotme pasi u kapën në flagrancë duke luajtur lojëra fati. Një prej të arrestuarve ishte pronari që kishte përshtatur mjediset e lokalit.
Me finalizimin e operacionit policor të koduar “Table” u arrestuan:
- N., 33 vjeç, për veprat penale “Vënia në dispozicion e lokaleve për lojëra të palejuara” dhe “Organizimi i lotarive të palejuara”;
- M., 55 vjeç, A. K., 29 vjeç, A. A., 38 vjeç dhe S. R., 27 vjeç, për veprën penale “Organizimi i lotarive të palejuara”.
“Gjatë kontrollit të ushtruar në lokalin në pronësi të shtetasit A. N., shërbimet e Policisë kanë konstatuar një tavolinë të përshtatur për lojëra fati. Në ambientet e lokalit janë konstatuar edhe shtetasit L. M., A. K., A. A. dhe S. R., duke luajtur lojëra fati, me anë të zareve,” njoftoi policia.
Në cilësinë e provës materiale u sekuestruan shuma parash të dyshuara të përfituara kjo veprimtari e kundërligjshme.
Materialet i kaluan Prokurorisë, për veprime të mëtejshme procedurale.
