Një ngjarje e rëndë ka ndodhur në Angli të Shtunën, ku këngëtari shqiptar Butrint Imeri ka qenë i ftuar në lokal, pranë stacionit Archëay në Londrën Veriore.
Gjatë kohës që Butrinti performonte jashtë ambientit të lokalit një i ri ka nisur të bëjë drift duke përplasur 4 persona.
Sipas mediave britanike, në momentin që i riu ka bërë drift ka qenë në një video live në Instagram dhe si rrjedhojë ngjarja është regjistruar me pamje dhe audio.
I riu që shkaktoi aksidentin është arrestuar dhe më pas është liruar nga policia angleze.
“ Policia u thirr rreth orës 03:55 të së shtunës, 24 shtator, në një makinë në përplasje me një numër këmbësorë në Archëay Road afër stacionit Archëay. Makina u ndal në vendngjarje. Katër këmbësorët janë dërguar në spital, presim vlerësimin e gjendjes së tyre”, njoftoi policia.
Nuk dihet ende identiteti i të riut që bëri manovra të rrezikshme dhe as katër të plagosurve.
