Kryetari i Partisë së Lirisë, Ilir Meta i bën thirrje qeverisë që të ndërpresë në mënyrë urgjente pagesat “fiktive dhe të paligjshme për inceneratorët dhe veprat e tjera korruptive”, dhe të rrisë pagat e pedagogëve.
Meta ka postuar një video në rrjetet sociale teksa thekson se nuk mund të zhvillohet Shqipëria nëse nuk plotësohen kërkesat e studentëve dhe të sigurohen libra falas për të gjithë fëmijët.
“Nuk ka zhvillim pa Arsim! Të ndërpriten menjëherë pagesat fiktive dhe të paligjshme për inceneratorët dhe veprat e tjera korruptive në mënyrë që të rriten rrogat e pedagogëve, të plotësohen kërkesat e studentëve dhe të sigurohen libra falas për të gjithë fëmijët, familjet e të cilëve nuk kanë mundësi të përballojnë shpenzimet për arsimimin e tyre”, shkruan Meta.
