Kryeministri Edi Rama gjatë një interviste për median gjermane “Der Spiegel”, ka folur dhe lidhur me një artikull të publikuar disa javë më parë në median prestigjioze ‘The Guardian’ e cila shkruante se kullat që po ngrihen në Tiranë, janë skema pastrimi parash dhe korrupsioni.
Sipas Edi Ramës pronaret e kullave te ardhshme ne qender te Tiranes, jane biznesmene te njohur te cilet kane marre kredi per te ndertuar keto gradaçela.
Kryeministri ka folur dhe per Teatrin Kombetar, tekas ka thene se i riu do ndertohet ne te njejtin truall.
“Së fundmi në ”Guardian” u botua një artikull për ndërtimin e shumë pallateve të larta në qendër të Tiranës, ku pretendohej se projekti i ndërtimit është pastrim parash dhe se këto pallate të larta do të qëndrojnë bosh. E gjithë kjo është e gabuar”, u shpreh Rama dhe i pyetur mbi shembjen e teatrit të vjetër kombëtar, tha: “Po ndërtohet një i ri ku u shemb teatri i vjetër. Dhe bëhet fjalë vetëm për shtatë ndërtesa të larta. Pronarët e ardhshëm janë të gjithë biznesmenë të njohur. Ata janë ndër taksapaguesit më të mëdhenj në Shqipëri. Blerjet dhe shitjet përpunohen përmes bankave. Disa tani pretendojnë se janë paratë e drogës. E vërteta është se këta persona kanë marrë kredi nga bankat për financim, verifikohen të gjitha transaksionet e shitblerjes. Deklarata jonë ndoshta nuk përshtatet në trendin e artikullit”.
