Mëngjesin e kësaj së hëne, kreu i Bashkisë së Kamzës, Rakip Suli ka mbërritur në SPAK. Raportohet se do të pyetet lidhur me kallëzimin e bërë për Xhelal Mziun, ish-kryebashkiakun e Kamzës.
Suli e ka kallëzuar Mziun për abuzim me tenderat në kohën që mbante postin e kryetarit të Bashkisë së Kamzës.
Suli pretendon se nuk është dhënë 3% i sipërfaqeve të ndërtimit të bashkisë së Kamzës për arsye sociale.
Më 27 korrik, Xhelal Mziu dëshmoi në SPAK për më shumë se dy orë. Kjo ishte hera e parë që ai u thirr në SPAK për këtë çështje.
