Hygert Geca, 24 vjeç është arrestuar nga policia britanike për kultivim të lëndëve narkotike. Shqiptari është kapur pasi policia kuptoi se ai përdorte lidhje të paligjshme elektrike.
Autoritetet kanë zbuluar dy dhoma gjumi të mbushura me 41 bimë narkotike. Mediat vendase raportojnë se Geca është futur në Angli përmes kanalit anglez.
I riu shqiptar nuk ka asnjë dënim të mëparshëm, dhe gjatë hetimeve nuk ka folur për autoritetet.
Ndërsa avokati i tij tha në gjykatë: “Shqipëria është një nga vendet më të varfra në Evropë dhe rrethanat e tij ishin shumë të këqija. Ai ra pre e një bande kriminale që tha se do t’i jepnin një jetë më të mirë në perëndim dhe do t’i gjenin punë.”
