Ish deputeti socialist, Vladimir Kosta, nuk ka kursyer sërish kritikat ndaj kryeministrit Edi Rama. Duke shkruar një koment në profilin e tij në facebook, Kosta denoncon abuzimin me ndërtimin e Rrugës së Arbërit. Kjo rrugë ishte edhe një nga premtimet e pambajtura të kryeministrit Rama në fund të këtij mandati qeverisës.
Kosta shkruan, se koncesioni i dhënë për Rrugën e Arbërit është me një vlerë shumë më të lartë sesa ndërtimi i saj. Për këtë, ish deputeti që vjen nga fusha e ndërtimit, kryen një përllogaritje sesa kushton kjo rrugë dhe sa është fryrë nga qeveria e Edi Ramës.
Sipas Kostës, Rruga e Arbërit nuk mund të kushtojë kurrë më shumë se 100 milion euro, ndërsa “Rilindja” po bën një koncesion prej 250 milion eurosh. Në fund ish deputeti kritik, shprehet se për këto para të qytetarëve shqiptarë, Kryeministri Rama duhet të japë llogari, pasi nuk ia ka marrë as Anetës (nënës së Ramës) dhe as Kristaqit (babai i Ramës).
Më poshtë statusi i Vladimir Kostës:
