Deputeti i PD, Ervin Salianji gjatë seancë së sotme në Kuvend akuzoi qeverinë për favorizim të kontrabandës së naftës.
Salianji i bëri thirrje qeverisë që të tregojë se cilën kompani nafte po mbron, ndërsa tha se është thyer embargo për naftën libiane.
“Keni i thyer embargo për naftën libiane. Ne do ta gjejmë dhe do të vijmë të ju themi se kjo është kompania dhe ju grini duart. Turpi u Shqipërisë gjithë verën ishte me gomonet në Francë që kalonin për në Angli. Sot ky kryeministri kur Shqipëria është në agresion nga Irani përse nuk vjen të japë sot shpjegim. Përse nuk jep sot përgjigje kryeministri? Një vend në agresion dhe nuk kemi pasur asnjë shpjegim sot”, tha Salianji.
Ministri Bledi Çuçi u shpreh se akuzat e deputetit Ervin Salianji për kontrabandën e naftës janë të pavërteta.
“Ju ngrini gishtin ndaj policisë dhe qeverisë, ditën që policia kap dhe sekuestron dhe fut në burg trafikantë. Të paktën thoni bravo për operacionin e bërë. Po patjetër në bashkëpunim me partnerë e bëmë, e thashë që kjo nuk bëhet pa bashkëpunim. S’mund ta ngresh gishtin ndaj policisë ditën që realizohet operacioni”, tha Çuçi.
