Kryetari i Partisë së Lirisë, Ilir Meta ka falënderuar të gjithë qytetarët që morën sot pjesë në protestën e thirrur prej tij në landfillin e Sharrës.
Përmes një postimi në Facebook, Meta shkruan mes të tjerash se qytetarët protestuan sot kundër vjedhjes shtetërore me inceneratorët, 558 ditë pas denoncimit të kësaj afere.
Kreu i PL, thekson se askush nuk mund t’i shmanget ndëshkimit dhe se ora e drejtësisë po afron.
“Falenderim të përzemërt për të gjithë qytetarët e Tiranës që morën pjesë sot në protestën kundër vjedhjes shtetërore me inceneratorët. 558 ditë pas denoncimit të kësaj afere të errët dhe mafioze, qytetarët kërkojnë drejtësinë e munguar. Askush nuk mund ti shmanget ndëshkimit. Ora e Drejtësisë po afron”, shkruan Meta.
