Interi bëri detyrën në Champions League duke fituar me rezultatin e pastër 2-0 kundër Viktoria Plzen dhe pret rezultatin e përballjes Bayern Munich-Barcelona.
Edin Dzeko ishte ai që e zhbllokoi ndeshjen që në minutën e 20-të, me një goditje diagonale brenda zonës. Zikaltrit u munduan ta shënojnë edhe golin e qetësisë në pjesën e parë.
Këtë qëllim nuk e arriti, ndërkohë Onana nga ana tjetër nuk lejoi prekjen e rrjetës së tij. Në minutën e 71-të Dumfries u shfaq dhe shënoi golin që mbylli llogaritë dhe hipotekoi fitoren për Interin.
Ndeshja tjetër e pasdites së të martës, Sporting Lisbonë-Tottenham u mbyll 2-0 në favor të portugezëve. Vendasit shënuan dy herë në fundin e lojës përkatësisht me Paulinho 90’ dhe Arthur Gomes 93’.
