Kjo e hënë 12 shtatori shënon nisjen e viti shkollor 2022-2023, ku 29 mijë vogëlushë ulen për herë të parë në bankat e shkollës, 4 % më pak se vitin e kaluar.
Ditën e sotme gjithçka duhet të ishte gati për të pritur nxënësit por në disa shkolla të kryeqytetit vijojnë akoma punimet.Por duket se jo çdo gjë shkon mirë. Kjo foto tregon se në shkollën “Ismail Qemali” punimet për rikonstruksion vazhdojnë edhe ditën kur nxënësit janë në shkollë.
Në një foto të publikuar së fundmi në mediat bie në sy një punëtor i cili ndodhet sipër tarracës për t’i dhënë “dorën e fundit” me bojë shkronjave të shkollës “Ismail Qemali”.
Një pamje e pazakontë pasi oborri ishte i tejmbushur me nxënës dhe mësues, kurse punëtori vijonte punën i pashqetësuar.
