Policia ka dalë me një reagim zyrtar në lidhje me mbytjen e 58-vjeçares në bregdetin e Shëngjinit.
Gruaja e identifikuar si Violeta Rroku, sipas policisë ka humbur ndjenjat sapo ka hyrë në det të lahej dhe me gjithë ndihmën e dhënë nuk ka mundur të mbijetojë.
Informacion paraprak
Rreth orës 14:00, në zonën e quajtur “Skalierat”, Shëngjin, shtetasja V. Rr., 58 vjeçe, banuese në Shëngjin, sapo është futur në det ka humbur ndjenjat.
Vrojtuesi i plazhit dhe pushues të rastësishëm i kanë dhënë ndihmën e parë 58-vjeçares, e cila më pas është transportuar me ambulancë për në Spitalin Rajonal Lezhë, por ka ndërruar jetë.
Nga veprimet hetimore paraprake, dyshohet se 58-vjeçarja e ka humbur jetën nga shkaqe natyrale. Vijon puna për sqarimin e plotë të ngjarjes.
