Kreu i PD, Sali Berisha, gjatë mbledhjes së kryesisë së partisë ditën e sotme, u shpreh se Edi Rama po përgatit katastrofën energjetike në vend.
Sipas Berishës, këtë Rama po e bën duke shkelur ligjet e vendit të cilat mbrojnë digat.
Arsyeja, sipas Berishës, është pasurimi i qeveritarëve dhe varfërimi dhe shtypja e shqiptarëve.
“Ju dhe shqiptarët duhet ta dini se Edi Rama po përgatit katastrofën energjetike në vend. Duke shkelur ligjet e vendit të cilat mbrojnë digat, nuk lejojnë zbrazjen e digave deri në datën 1 shtator. Do të sjellin errësirën që të justifikojnë aferëne kontraktimit të 2 gjeneratorëve gjigant nga Bangladeshi të cilët shpenzojnë 520mijë euro naftë, jo me çmimin aktual dhe kanë qeranë ditore 92 mijë euro. Në 2 vite 760 mijë euro me të cilët qeveria mund të kishte ndërtuar 3 deri 4 termocentrale me gaz si i Vlorës dhe gazi është aty. Këta duan të mbushin xhepat e tyre pasi i konsiderojnë shqiptarët si qenie për ti varfëruar dhe shtypur, u shpreh Berisha.
