Tre persona kanë humbur jetën mëngjesin e kësaj të Mërkure në tre aksidente rrugore të ndodhura në Fier dhe Tiranë.
Në orët e para të mëngjesit, në vendin e quajtur “Kryqëzimi i Cakranit”, 49-vjeçari nga Kosova Hysen Rucaj, nën drejtimin e një automjeti tip “Jeep”, përplasi për vdekje 75-vjeçaratin Hysen Rucaj nga Cakrani i Fierit.
Dy aksidentet e tjera ndodhën në Tiranë. Në zonën e Kombinatit, në rrugën “Shaban Bardhoshi”, 40-vjeçari Sajmir Thaçi, duke drejtuar automjetin tip “Audi”, dyshohet se ka humbi kontrollin e mjetit dhe përfundoi në oborrin e një banese private. Aty përplasi 25-vjeçaren Marjana Sahitaj, e cila humbi jetën në spitalin e Traumës. Sipas policisë, shoferi ishte nën efektin e drogës teksa i jepte makinës.
Aksidenti tjetër ndodhi në Mjull Bathore. “Një mjet tip kamionçinë me të cilën transportoheshin viça, është përplasur me trafikndarësen dhe si pasojë drejtuesi i mjetit, H.D., 32 vjeç, ka ndërruar jetë”, njoftoi policia.
