Dy persona kanë mbetur të lënduar si pasojë e zjarrit të rënë në një magazinë sfungjeri në “Misto Mame”, në kryeqytet.
Ata ndodhen në spital dhe raportohet se janë jashtë rrezikut për jetën, ndërkohë zjarri është fikur.
“Në vijim të informacionit për zjarrin e rënë në një magazinë me materiale sfungjeri, në ‘Misto Mame’, ju bëjmë me dije se pas ndërhyrjes së forcave zjarrfikëse u bë e mundur fikja e zjarrit. Nga tymi i shkaktuar nga zjarri kanë mbetur të asfiksuar 2 shtetas, të cilët ndodhen në spital, jashtë rrezikut për jetën”, njofton policia.
Vijon puna nga grupi hetimor, për zbardhjen e rrethanave të ngjarjes, shtuan të njëjtat burime.
