Një ngjarje e rëndë është shënuar në Prishtinë, ku një e mitur 11 vjeçe është përdhunuar nga pesë burra.
Dy të dyshuarit e arrestuar për dhunimin e vajzës 11-vjeçe janë vëllezër. Përdhunimi i saj, sipas dosjes së Prokurorisë Themelore të Prishtinës, ka nisur të shtunën në parkun në lagjen “Arbëria” në Prishtinë, për të vazhduar në një vend tjetër të panjohur.
Në dosjen e prokurorisë të publikuar nga Ekspress përshkruhen detaje tronditëse.
Prokuroria Themelore e Prishtinës ka kërkuar paraburgim ndaj 26 vjeçarit me inicialet E.R., dhe një të mituri, vëllezër mes tyre, si të dyshuar për përdhunimin e vajzës 11-vjeçare. Teksa në arrati ndodhen edhe shtetasit Xh.S., dhe G.J.
Sipas prokurorisë, i pandehuri E.R, 26-vjeç, ka kryer marrëdhënie seksuale pa dëshirën e të dëmtuarës, “në atë mënyrë që të pandehurin fillimisht e kishte thirrur në telefon vëllai i tij, i mitur., pastaj i pandehuri ka shkuar me “Pickup” tek parku në lagjen “Arbëria” në Prishtinë dhe e ka marrë me veturë vëllain e tij dhe të dyshuarit Xh.S., dhe G.J., të cilët ndodhen në arrati dhe të dëmtuarën. Pastaj rrugës tek varrezat kanë zbritur i mituri dhe, dhe Zh.S., ndërsa i pandehuri së bashku me G.J,.dhe të dëmtuarën janë larguar me veturë, ashtu që pas pak E.R., ka ndaluar veturën në një vend të panjohur dhe ka kryer marrëdhënie seksuale me të dëmtuarën. Edhe pse e ka ditë që e dëmtuara është nën 14-vjeç”, përshkruhet në kërkesën për caktimin e paraburgimit ndaj tij.
Në kërkesë shkruhet se nga deklarata e të miturës dhënë në polici me datën 28.08.2022 rezulton se “teksa e mitura ka qenë në park, i janë afruar tre persona, ku kanë filluar ta ngacmojnë me fjalë, më tej e dëmtuara ka vazhduar të ecë, por më pas njëri ka filluar edhe ta prekte”.
“Më pas të njëjtit persona, sipas viktimës, kanë vazhduar që ta ndiqnin dhe njëri nga ta e ka tërhequr me një qoshe dhe të dy kanë filluar t’ia heqnin rrobat. Një nga personat i ka kapur duart, ndërsa tjetri ka kryer marrëdhënie seksuale pa dëshirën e saj.
Kur e dëmtuara ka filluar të bërtasë ata ia kanë mbyllur gojën dhe marrëdhënia ka ndodhur në këmbë. E dëmtuara ka deklaruar që pasi ka përfunduar njëri marrëdhënien, ka filluar tjetri”, thuhet në përshkrimin e rastit që ka bërë prokuroria.
Më pas sipas saj, ka ardhur një automjet, ku dy persona janë ulur mbrapa dhe viktima përpara. Ajo ka deklaruar se edhe shoferi i mjetit ka kryer marrëdhenie me të.
