Kryeministri Edi Rama nuk komentoi hetimet e nisura nga SPAK për ish-Presidentin Ilir Meta.
Ramës iu kërkua një koment nga gazetarët gjatë një konference të përbashkët nga kryeministria me kreun e qeverisë së Luksemburgut për hetimet e SPAK dhe reagimet e kreut të partisë së Lirisë.
Në përgjigjen e tij, Rama tha: “Unë s’flas kurrë në prezencë të miqve që na nderojnë nga jashtë dhe në prezencë të përkthyesve për çështje të politikës së brendshme. S’është një fushë që na takon ne si mikpritës përfshirë miq që jemi këtu për ti nderuar. S’flitet në gjuhë të huaj për probleme të politikës së brendshme, kundërshtarë politikë, akuza e kundër akuza”, tha Rama.
