Policia e Tiranës ka arrestuar 2 persona në sajë të operacionit “Packed” për shpërndarje të kokainës.
Në prangat e policisë kanë rënë personat me iniciale A. (M). B., 59 vjeç, dhe I. R., 63 vjeç.
Në çantën e 63-vjeçarit policia gjeti 750 gramë kokainë.
Nga verifikimet rezultoi se këta shtetas, në bashkëpunim me njëri-tjetrin, pasi siguronin kokainën, e ndanin atë në doza, të cilat i shisnin më pas në rrugën “5 Maji”, në zonën e quajtur “Xhamlliku” dhe në zonën e Selvisë, në Tiranë.
Punohet për identifikimin dhe kapjen e personave të tjerë të implikuar në këtë veprimtari kriminale.
Materialet i kaluan Prokurorisë, për veprime të mëtejshme procedurale.
