Një automjet është përfshirë nga flakët në orët e para të mëngjesit të së enjtes, në lagjen 16 të qytetit të Korçës.
Sipas informacioneve paraprake, bëhet me dije se mjeti ka qenë i parkuar dhe nuk dihet sesi ka marrë flakë.
Fatmirësisht, nuk ka të lënduar në njerëz, teksat dëmet materiale janë të konsiderueshme.
Zjarrfiksja ka bërë të mundur shuarjen e flakëve, ndërkohë ndodhet policia në vendngjarje për zbardhjen e rrethanave.
