Gazetari Osman Stafa ka publikuar një video në rrjetet sociale, ku një automjet, tërheq zvarrë në rrugë një qen. Nuk dihet se çfarë mllefi apo inati mund të ketë drejtuesi i automjetit me kafshën që e torturon, ose sa i qëndrueshëm mendërisht mund të jetë ai, që bën një veprim të tillë, por pamjet janë të frikshme.
Ky nuk është rasti i parë kur jepen pamje të tilla, pavarësisht reagimeve në rrjetet sociale të shoqatave apo qytetarëve të ndryshëm.
Megjithatë në një vend kur nuk ka respekt për jetën e njeriut, kur qytetarët largohen nga sytë këmbët sepse vendi i tyre është kthyer i pajetueshëm, apo se shpresa vritet çdo ditë, pritet të ndodhë gjithçka, përfshi edhe pamjet e mëposhtme.
