Ish-Presidenti Ilir Meta, drejtues i Partisë së Lirisë, e cilësoi Kryeministrin Edi Rama si kokën e grupit kriminal të aferës kriminale të inceneratorëve.
Meta tha se deri më tani jeni njohur me disa fakte dhe dokumenta, por ajo që ka ndodhur është edhe më e rëndë, pasi grupit kriminal i janë dhënë edhe prona publike, që janë lënë peng, brenda dhe jashtë vendit, si garanci kolaterali, në marrjen e kredive.
“Sot do të bëj publike fakte të reja për aferën e vitit që kam thënë se do i shkojmë deri në fund. Kanë fituar me miliona euro të ketij grupi kriminal nga lekët e taksapagueve të Tiranës. Pasi pamë se si të moshuar që jetojnë në azile figurojneë me firma të falsifikuara, pasi pamë barinjë në Greqi që marrin 300 euro dhe firmat e tyre janë falsifukuar, se si edhe fondet e min së bujqësisë dhe AZHBR që duhet të shkojnë në mbeshtetje të fermerëve, edhe ato kanë përfunduar në duart e kësaj organizate, so do të tregoj se si qeveria shqptare, me koken e kësaj afere që është kryeministri aktual ka vënë në dispozicion të kësaj skeme edhe prona publike që janë lënë peng në bankat e ndryshme këtu për paratë që shkojnë përtej detit”, tha Meta.
Bazuar në të dhënat e publikuara nga Partia e Lirisë, si kolateral i janë dhënë jo vetëm vendi ku do ngriheshin inceneratorët, por edhe rrugë e trotuare.
Brisida Shehaj në emër të Partisë së Lirisë tha se janë marrë 8 kredi nga inceneratori i Tiranës. “Kontratat janë 1 mln dolarrë, 2 mln dollarë, 1.5 mln euro, 2.5 mln dollarë, 3.5 mln dollarë. Madje kompania e inceneratorëve të Tiranës ka marrë fonde edhe nga kredia për fondin e pagave”, tha Shehaj. Sipas saj, kjo është kredia më e madhe që ato kanë marrë në shumën e 8 mln eurove.
“Janë dy shkresa që njëherë i drejtohen Bashkisë së Tiranës dhe Ministrisë së Infrastrukturës, më 1 nëntor, ku i kërkohet që të japin miratimin e tyre. Bashkia e Tiranës ka dhënë miratimin për këtë kredi”, tha Shehaj.
Sipas saj, kompania mëmë ka bërë zero investime publike për inceneratorët, ndërsa paratë e marra si kredi janë nxjerrë jashtë Shqipërisë dhe po bëhen investime në vende të tjera.
