Në konferencën e tij të përjavshme me gazetarët, kreu i PD-së Sali Berisha, u shpreh se kjo forcë politike i mbështes plotësisht protestat qytetare, edhe në rastin kur nuk janë thirrur prej tyre.
Berisha tha se protesta për Jonadën është një kauzë e drejtë, që kërkon që përgjegjësit të pranojnë fajet e tyre.
“Tani protesta e qytetarëve ka kërkesat e veta, që ne i mbështesim, unë ju bëj thirrje demokratëve dhe qytetarëve që të protestojnë për këtë kauzë të drejtë. Unë mbështes plotësisht protestën për Jonadën, nuk është e thirrur nga PD, por nga qytetarët, nuk ka më siç ndodhte më parë, po qe protestë e drejtë ne do ta mbështesim me aq mundësi sa kemi. Nëse nuk jam fizikisht, jam shpirtërisht”, tha Berisha.
Berisha u shpreh se çështja e inceneratorëve është kali i betejës së opozitës, që do të djegë edhe qeverinë e Edi Ramës.
“Opozita e ka shpallur armik Edi Ramën, kjo është një periudhë që ai vazhdon me veprimet e tij grabitqare, ne do të mobilizohemi dhe do ti japim atë që meriton. Ndonëse deklaratat tona janë të bazuara në fakte, kalë beteje e jona do të jetë çështja e djegësve.
Ky zotëri ka firmosur në kundërshtim me ligjin e vendit, ka firmosur tenderin me negociatata të mbyllura për të vjedhur. Ky nuk mund të shpëtojë, le të bëjë çfarë të dojë, djegësit do të djegin qeverinë e tij”, deklaroi Berisha.
