Disa mijëra qytetarë janë zhvendosur nga godina e Ministrisë së Brendshme te ajo e Kryeministrisë në vijim të protestës së thirrur me moton “nuk e vrau varka, e vrau Qeveria”.
Qytetarët, të organizuar nga shoqëria civile, kanë kërkuar dorëheqjen e Bledi Çuçit dhe Mirela Kumbaros nga postet qeveritare, të cilat i bëjnë përgjegjës për ngjarjen tragjike të ndodhur në Himarë, ku një vajzë 7-vjeçare u godit nga një skaf që drejtohej nga komisari Arjan Tase.
Protestës qytetar i janë bashkuar edhe Kreu i PD, Sali Berisha, dhe ai i Partisë së Lirisë, Ilir Meta, ndërsa zhvendosja e protestuesve nga Ministria e Brendshme te Kryeministria ka kapur të papërgatitur forcat e rendit, që ishin të përqëndruara te godina e ministrit Çuçi.
Qytetarët po ndezin qirinj te shkallët e Kryeministrisë, ndërsa protestuesit kanë akuzuar Kryeministrin Edi Rama si përgjegjësin e kësaj situate.
