Një 27-vjeçar shqiptar është arrestuar në zonën e Neos Kosmos nga policia greke. Ai akuzohet për posedim dhe trafik droge si dhe shkelje të ligjit për të huajt.
Sipas policisë greke, pasi ka marrë informacionin mbi trafikim kanabisi, ndaj 27-vjeçarit është kryer hetimi dhe është vërtetuar aktiviteti i tij kriminal.
Në shtëpinë e tij, në Neos Kosmos, u gjetën ndër të tjera katër pako, me 4 kilogramë e 190 gramë kanabis të papërpunuar, si dhe dy peshore elektronike.
Në të njëjtën kohë u konstatua se i akuzuari qëndronte ilegalisht në Greqi. 27-vjeçari është dërguar në prokurorinë penale të Athinës.
