Liverpool dhe Manchester City kanë hapur sezonin e ri 2022/23 në Angli. Dy gjigantët e futbollit britanik po sfidohen në King Power Stadium në Superkupën e Anglisë.
Sfidë emocionuese dhe spektakolare që është zhbllokuar pas vetëm 21 minutash lojë, me skuadrën e Jurgen Klopp që ka kaluar në avantazh ndaj rivalëve.
Ka qenë Aelxander-Arnold ai që ka shënuar për Të Kuqtë me një goditje të bukur nga jashtë zone, i ndihmuar edhe nga një devijimi që ka nxjerrë jashtë loje Ederson.
Një gol që ka ardhur pas një qarkullimi spektakolar të topit nga ana e skuadrës së Klopp, me Mohamed Salah që ka dhënë asistin për mbrojtësin anglez.
Qytetarët kanë patur një mundësi të artë për të barazuar në minutën e 34-t. Haaland ka marrë një pasim të bukur në zonën e rreptësisë, por ka gabuar në mënyrë qesharake i vetëm para portierit Adrian.
