Kreu demokrat, Sali Berisha, e konsideroi si një problem themelor trashëgiminë kulturore, ndërsa u shpreh se kemi dy shtylla kryesore të identitit tonë: gjuha dhe kultura, që janë binomi i identitetit tonë.
Berisha duke folur për lagjet e vjetra të Tiranës, tha se ato mund të krahasoheshin me ato në Paris. “Ndërtesa më e bukur ishte bashkia e Tiranës, ndërsa atje ku u ngrit Pallati i Kulturës ishte pazari i qytetit.
Gjithçka u shkatërrua nga diktatura, e cila donte sheshin e madh, jo lagjet e bukura. U zhduk pazari, duke u ngritur një pallat që mund ta gjesh sot në Korenë e Veriut.
Në Tiranë ka pasur një lagje tjetër, që ishte një pjesë karakteristike e lagjes së haresë në Paris, kjo ishte përrreth ish-Kinema 17 nëntori.
Pas Enver Hoxhës, vjen Edi Rama si shkatërrimtar i identitetit të këtij qyteti”, tha Berisha.
Në vijim ai solli në vëmendje shkatërrimin e kinema 17 nëntorit, më pas zhduku Teatrin Kombëtar.
“Po të shkoni në Paris është Teatri Romak, nuk është funksional, por e kanë ruajtur.
Sheshin, përveç se në Korenë e Veriut, nuk gjen askund tjetër shesh kaq të madh pa jetë. I hoqi qytetit trafikut, dakort e hoqe, por mund ta bëje me nënkalime. Ky shesh ka një impakt shumë negativ te qytetarët”, tha Berisha.
Ai u shpreh se Tirana është problematike me rrugët, i mungojnë unazat, ndalon edhe trafikun e sheshit, dhe me këtë veprim mund të ketë rritur ndotjen me 50%.
“Morri stadiumin, i cili ishte i mrekullueshëm. Bëri një stadium që nuk e gjen askund në Europë”, tha ai. Berisha akuzoi Ramën se pasi shkatërroi identitetin e Tiranës, është sulur drejt objekteve të tjera si në parkun e Butrintin, që është madhështor në rrafshin natyror.
“Butrinti u shpërbë me qëllimin e vetëm që të pushtohet Kepi i Stillos, janë 620 vila që po bëhen gati, Edi Rama me oligarkët e tij”, tha Berisha.
“Butrinti në rrafshin natyror ska asnjë më të bukur e fantastike. Butrinti u shpërbë me qëllimin e vetëm që të pushtohet Kepi i Stillos.
Unë ju them që janë 620 vila që po bën gati Rama me oligarkët e tij. Unë jam njeri që kam punuar më shumë se çdokush tjetër me Fondin Shqiptaro-amerikan dhe e kam lavdëruar më shumë se kushdo tjetër për suksesin e projekteve.
Jam zhgënjyer në mënyrë shumë të thellë kur dëgjoj deklaratën e tyre se ajo është punë e qeverisë. Ajo është punë e çdo njeriu të qytetëruar.
Në rast se qeveria merr e shpërbën parkun kombëtar për abuzivitete dhe korrupsion, ajo është një punë e çdo qytetari të civilizuar, shqiptar amerikan, evropian kushdo qoftë. Ndaj duke shprehur dhe një herë falënderimin për praninë tuaj, preferoj më shumë tu dëgjoj ju, dhe të shpreh nderimin më të madh për të gjithë përkushtimin që keni për një çështje themelore.
Unë kam trajtuar me dhjetëra herë albanofobinë që është një realitet, por jo një fenomen specifik për shqiptarët ndaj të gjitha kombeve ka fobira. Por rezulton në një aspekt që albanofobët më të mëdhenj janë shqiptarët.
Dhe kjo që ndodh nga ky njeri me identik tonë me trashëgiminë tonë kulturore është një rrezik i madh si për të sotmen dhe për të ardhmen tonë”, tha Berisha.
