Enur Totre do të transferohet në Ukrainë. Edhe pse në drejtim të tij kishte oferta edhe nga Bjellorusia, mesfushori i Tiranës ka zgjedhur si destinacionin e ardhshëm, ekipin e Vorskla Poltava. Pas një sezoni të mrekullueshëm me fanelën bardheblu, lojtari nga Maqedonia e Veriut do të udhëtojë menjëherë pas ndeshjes së dytë të Conference League drejt Ukrainës.
Në Bjellorusi, ishte Shakthar Soligorsk që shprehu interesim për shërbimet e tij. Por, oferta e ukrainasve duket të ketë qenë më joshëse. Në këtë transferim, edhe Tirana do të përfitojë 250 mijë euro, kurse vetë lojtari do të firmosë një kontratë 3-vjeçare, ku do të marrë afro 180 mijë euro në sezon. Në edicionin që lamë pas, Totre ishte një nga lojtarët më të rëndësishëm të Tiranës. Ai u aktivizua në 38 ndeshje duke arritur të shënojë edhe 5 gola.
